Nevropsykologisk undersøkelse - barn og unge

Barne- og ungdomspsykiatri (BUP)

 

Ei nevropsykologisk undersøking går ut på å finne ut korleis hjernen din arbeider. Det gjer vi gjennom å snakke saman og løyse ulike oppgåver.

Innleiing

 

Når du kjem til oss, vil vi først prate litt med deg og dine føresette om korleis du har det, og om kva ting du synest du får bra til og kva som er vanskeleg. Ofte spør vi også om å få snakke med læraren din eller kanskje ein annan vaksen som kjenner deg godt.

Dei aller fleste barn som kjem til oss tar også nokre testar. Då jobbar du saman med ein vaksen som forklarar deg kva du skal gjere. Testane kan likne litt på ting som du gjer på skulen. Testane seier oss for eksempel noko om korleis du lærer, hugsar og konsentrerer deg, snakkar og forstår språk, kor godt hendene dine klarar å gjere ting og korelis du er saman med andre. 

1. Før

 

  • Ta med ferdig utfylte skjema om de fikk tilsendt slike på førehand.
  • Møt utkvilt til testinga, og unngå medisinendringar dagane i forvegen.
  • Ta med briller og høyreapparat om du bruker det. 
  • Det kan vere lurt å ha med matpakke og drikke, eller pengar til å kjøpe mat i kantina, då testinga tar nokre timar.
  • Hugs å skru av mobilen under testinga.

2. Under

 

Første gong du kjem til oss, snakkar vi om kvifor du er hos oss og kva undersøkinga går ut på. Vi spør mange spørsmål om korleis du var då du var liten og korleis du har det nå. Det er vanleg at både du og dine føresette er med når vi snakkar. Det kan også vere at vi ønskjer å snakke med andre som kjenner deg godt, for eksempel vaksne på skulen, hos PPT eller BUP, men då spør vi dine føresette om lov til å gjere det først. Les gjerne brosjyren Rettigheter i psykisk helsevern for deg under 16 år.

Etter at vi har snakka ei stund, får du gå og jobbe med oppgåver saman med ein vaksen. Oppgåvene kan vere munnlege, skriftlege eller praktiske. Ingen av dei gjer vondt, men du kan kanskje bli trøytt etterpå.

3. Etter

 

Etter at undersøkinga er ferdig, avtalar vi eit møte med dine føresette. På dette møtet snakkar vi om korleis du løyste oppgåvene og korleis vi kan bruke resultata for å hjelpe deg med ting som er vanskelege. Dei eldste barna er som regel sjølv med på dette møtet. Av og til har vi også møter saman med skulen din, PPT eller BUP. Vi snakkar då om du for eksempel treng meir hjelp på skulen eller om det er nødvendig med fleire undersøkingar. Til slutt skriv vi eit brev til den som har vist deg til oss og til fastlegen din om kva vi har funne og kva vi har avtalt vidare. 

Ver merksam

 

I utgangspunktet har helsepersonell teieplikt, men det er nokre unnatak der vi har meldeplikt. Det handlar i hovudsak om tilfelle ved bekymring for barns omsorgssituasjon eller sikkerheit.

Kontakt

Oppmøte
Utredning og behandling foregår ved ulike steder i Hedmark og Oppland. Du vil bli henvist til din lokale BUP av fastlegen din eller andre i det kommunale hjelpeapparatet.