Mening i livet: Mening i livet hos personer med alvorlig demens

Denne studien har som overordna mål å få ein utdjupande kunnskap om meining i livet hos personar med alvorleg demens og bidra til best mogleg personsentrert omsorg som ivaretar meining i livet hos denne pasientgruppa.

Hovudspørsmålet som ligg til grunn for prosjektet er "Kva kjenneteiknar opplevingar av meining i livet for pasientar med alvorleg demens i ein sjukehuskontekst, og korleis kan dette integrerast i personsentrert demensomsorg?".

I dei siste åra har det vore auka interesse for forsking på eksistensiell meiningsdanning og meining i livet inn mot ulike populasjonar. Trass i dette har det vore lite forsking på dette temaet når det gjeld personar med alvorleg demens. Å ha ei oppleving av meining i livet er rekna for å vere eit grunnleggande eksistensielt behov for alle menneske. Det er ikkje noko forsking som tyder på at dette er annleis for personar med alvorleg demens. I ein personsentrert omsorgskontekst utgjer det å ivareta åndelege og eksistensielle behov ei tverrfagleg utfordring for helsepersonell som arbeider med denne pasientgruppa. Sjølv om mange har ei positiv innstilling til å ivareta desse behova, ser det ut til å vere ein avstand mellom haldning og det som blir utført i klinisk praksis. Det at personar med alvorleg demens ikkje er i stand til å kommunisere og uttrykke deira behov gjer dei sårbare, og det er grunn til å anta at det påverkar desse pasientane på eit djupare eksistensielt plan.

Studien er gjennomført innanfor eit sosialkonstruktivistisk paradigme, og nyttar kvalitative metodar i tre delstudier:

1. Deltakande observasjon av pasientar med alvorleg demens for å utforske korleis meining kjem til uttrykk.
2. Fokusgruppe med helsepersonell på sjukehus for å utforske deira erfaringar og observasjonar av meining i livet hos pasientar med alvorleg demens.
3. Tverrfaglege diskusjonar gjennom rundebordskonferanse, der helsepersonell frå både spesialisthelsetenesta og kommunehelsetenesta diskuterer tverrfagleg  korleis meining i livet kan forståast og implementerast i klinisk praksis.

Isene, T.-A., Thygesen, H., Danbolt, L. J., & Stifoss-Hanssen, H. (2022). Embodied meaning-making in the experiences and behaviours of persons with dementia. Dementia, 21(2), 442-456

Isene, T.-A., Kjørven Haug, S. H., Stifoss-Hanssen, H., Danbolt, L. J., Ødbehr, L. S., & Thygesen, H. (2021). Meaning in Life for Patients With Severe Dementia: A Qualitative Study of Healthcare Professionals’ Interpretations. Frontiers in Psychology, 12(3734)